| 1 | |
HStAOrient5a: 83r olan menāfiʿ anda mevcūd ola. Eger tiryāq yėrine maḥall‑i mezbūra // saqmonyā ṭoldursa engūr‑i mezbūr müshil‑i ṣafrā ola. Ammā // muṭlaq engūr resīde olduġınuñ ʿalāmeti budur ki // çekirdegi siyāh olur. Baʿżılar dėdiler ki ṣıqılsa çekirdegi // etinden munfaṣıl çıqa. Baʿżılar S̱üreyyā indügi zamānda ki Teşrīnü // l‑āḫirdür resīde olur [dėmişler]. Qıṭʿa li‑münşiʾihi: [remel: ‑ v ‑ ‑ / ‑ v ‑ ‑ / ‑ v ‑ ‑ / ‑ v ‑] Ṭutalum olduñ // bu gün ġavvāṣ‑i dürr‑i maʿrifet Yine senden qadr ile bir māli // çoq mellāḥ yeg Bulmamaqdan maʿrifet toḫmın ṣaçub ey // dil felāḥ Dāne‑i gendüm eküb ḥāṣıl qılan fellāḥ yeg. // [ʿİlm‑i nücūm] ʿİlm‑i nücūm ki teşkilāt‑i felekīye ile ḥavādis̱‑i süflīye // üzerine istidlāldür. Ve baʿżı vücūh ile eşref‑i ʿulūmdur. // ʿUqalāʾ-i dūr‑bīn ve ḥükemā‑i ehl‑i yaqīn ki her biri mücerreb‑i // umūr‑i dühūr ve mümteḥin‑i ṣurūf‑i eyyām ve şühūrdur enẓār‑i // daqīqa ve efkār‑i enīqalarını bu ʿilme maṣrūf qılmışlardur. Ammā // ʿilm‑i nücūm ʿinde l‑iṭlāq aqsām‑i s̱eles̱eye maqsūmdur: // Ḥisābīyāt ve ẓannīyāt ve vehmīyāt[dur]. Ammā ḥisābīyātda şekk // ve ʿilminde şerʿan menʿ yoqdur. Qāla llāhu taʿālā wa‑š‑šamsu wa‑l‑qamaru // bi‑ḥusbānin. Ve bunda aṣḥāb‑i iʿtibāra delāyil‑i tevḥīd bī‑şümārdur. // Ās̱ār‑i es̱īrīye ve aʿyān‑i ʿunṣurīye bi‑l‑cümle vücūd‑i müʾes̱s̱iri iʿlām |